Naroman Rihun-ida vs. Nakukun Ida

Lala’ok moris ida ne’e, entre

Naroman no nakukun

lao hamutuk ho ita loron no kalan.

Naroman no nakukun

iha ita liman laran.

Naroman rihun ida mak ita sei oferese

ba ema sira besik no dook husi ita.

Mundu emar nian mak nune’e....

Naroman ne’e lori hamnasa no

haksolok rohan laek ba ema sira be simu husi ita.

Emar ninia hakarak iha mundu, mak nune’e....

Hein dala ida deit, ita monu iha nakukun

Ema sira besik no dook, halai-hela ita.

Buka dalan rasik, sai husi nakukun!

Dalan oan ne’e mak mundu oferese.

Iha dalan naruk ita la’o liu, entre

Moris diak no Moris susar

hulan iha ita-an rasik loron no kalan

Moris diak no Moris susar

iha ita-nia hitin kous laran

Moris diak ne’e hanesan masin-midar

dada ema barak, diak no seluk le’et hobur

Moris diak ne’e lori maun-alin no familia barak

halibur hamutuk tebe no bidu, haluhan oras

Hein dala ida deit, ita monu iha moris susar

Maluk le’et ona, tula ibun ba ita.

Tenik ho onestu hodi husu ba lalehan, ho oin muron....

Tamba sa moris ne’e moruk tebes nune’e?

Naroman no moris diak dala rihun-ida,

laiha loos forsa atu manan

Nakukun no moris susar ne’ebe mai dala-idadeit.

Diak rihun-ida, labele manan sala dala-ida.

Teki-tekir mahon-wen ida monu husi aitahan leten,

iha aihun ne’ebe ha’u tuur ba,

kona iha hau-nia rentos,

ho hamaos no hamamar

tama to’o hau fuan laran,

ho hakmatek tebes.

dehan nune’e:

‘Parese ita la hatene agradese moris ida ne’e karik!’.

Lia manorin NATUREZA nian!......

© Mausou Ablai-anan

Japaun. 30.10.2018

Photo source: google picture