RATU CORRO: (SEDU LIU BELUN!)

Rona belun iis kotu

Hau fuan lakon

Ita-nia memoria

Halo hau matan wen suli

Suli ba rai

Hau ulun hakruk

Hanoin hetan alin

Dada lia ho hau hanesan loos

Nai-ulun loron-aban

Belun,

Hau laran susar

Tansa ba la fila loos ona

Belun,

Hau laran moras

Tansa ba sedu liu

Lalehan ne’e

La’os belun nia direitu

Ho idade ida nurak

Viazen rai-klaran nian

Lao badak tiha deit

Halo ema hotu la simu realidade ne’e

Hau fuan moras liu tan

Tamba ita la goza

Lia “Belun” ne’e ba loron naruk

Iha hau-nia lia rohan,

Hau la pronto hato’o lia “ADEUS”

Tamba belun moris iha hau-nia fuan

ROHAN LA’EK, AMEN!

© Mausou Ablai-anan

Bodo, Norwegia 21.11.2014

Note: RATU CORRO: Moris, 18-04-2005 - Mate, 20-09-2014