BELUN ETERNU: MAUSOU & AZEMI

Maun-alin kaduak, hahu’un husi Inan-Aman ketak-ketak

liu dalan naruk, moris ne’e lori ita, harii ona lia lulik ida;

mak BELUN ETERNU! TEMAN SEJATI! AMIGO ETERNO! ETERNAL FRIEND!

Ah!.........

Impresta momentu ruma, hakarak loos hamosu lia makhusuk sira,

be horik ho monok kleur loos ona iha laran ne’e, konaba BELUN!

‘Sei kiik iha ne’ebe deit? Oras ne’e iha ne’ebe ona?

Ba ne’ebe loos atu lori belun ne’e, to’o ba iha biban rai klaran no biban lalehan?’

Sei hanoin ka iha momentu ita sei kiik?

haksolok, hakmatek, halimar hamutuk

mak uma mahon rohan-laek

moris tristeza, laran kanek, hetan odiu

laiha espasu iha ita-nia moris

Mundu labarik nian mak mak mundu jardin Eden!

Sei hanoin ka iha momentu ita sei klosan?

haksolok ba fahe istoria hamutuk

hakmatek fo-solusaun ba malu

halimar hamutuk, kumpriende malu

mak uma-mahon maun-alin rohan-laek nian

moris tristeza, laran kanek, hetan odiu

hola parte iha ita-rua nia ezame moris nian

AH!.... VIDA LABARIK no MORIS KLOSAN NIAN REMATA ONA!

FORMA FAMILIA no SAI KATUAS MAK DALAN REZERVA IKUS LIU IHA MORIS!

Ita rua la sente! Loloos ne’e,

ita-rua mai husi ramun rua moris nian la hanesan; ‘Manu-pombu mutin no Leao’

habelun iha lia kroat ida hanaran, ‘Maun-alin la hotu rai sei la soe malu’

to’o hakoak ai-tonka, ita sei kahe kabas belun nian ba malu

to’o nehan musan laiha ona, ita sei haktuir istoria belun nian

se’e mundu ne’e nakfilak ba moris daruak, ita sei buka tuir malu!

se’e moris ne’e ninia dalan ikusliu mak LELAHAN!

PORTAUN mak fatin ita hein malu, ba hasoru moris nia nain loloos husi RAI-KLARAN ne’e!

© Mausou Ablai-anan

Japaun, 27.10.2017