Bandeira RDTL

Timor liu hosi nakukun ida be metan

halo Timoroan sira la kuñese malu tempu uluk

Sira hatudun liman ba malu, maske

maun-alin hosi kaut ida deit

Fitun kalan laran maus, mutin nabilan

halo hakfodak timoroan sira

Nia mosu iha nakukun laran, fo esperansa

katak timoroan lalika laran taridu no tauk, tamba dame sei lahotu iha Timor.

Rai-Timor, rai ida be ki’ik liu iha mundu,

maibe nia furak lahalimar , bainhira loromatan hahú hisik roman iha dader

Nia nabilan, kór Kinur hanesan hahenu osan-mean barak

Nia isin lolon halo nasaun seluk tu’ur lametin.

Timoroan ran manas sei lahusik ema seluk atu na’ok ninia riku soin.

Ninia ran Mean hatudun kór hosi malus ne’ebe nia mama

Bua ho ahu aumenta ba, sai hosi uma lisan Timor

Sei satan netik babeur hosi rai liur sira,

Ne’ebe mai han matak rai ida ne’e.

Oh……..Hau nia bandeira, bandeira RDTL

Ó nia kór hanorin hau konaba moris,

Ó fo atensaun ba hau dehan, nakukun ne’e perigu

Ó mak murak hosi fitun nabilan iha kalan

Ó haktuir nanis ba hau, Timor laos ki’ak maibe isin lolon falun ho osan mean

Ó deklara ona ho aten barani, ba Ó oan sira

“Maske ki’ik liu iha mundu, Hau mos hola parte ba formasaun mapa mundu nian”

© Mausou Ablai-anan

Aileu, 20.05.2012

Photo source: Google Image